Demonios Na Nha Mente

S'é pa txora, dexa-m txora
Mi sô déntu kaza
S'é pa grita, dexa-m grita
Mi sô déntu kaza
I s'é pa fala, dexa-m fala
Mi sô déntu kaza

Pamodi N ka ta kúnfia nen na própi sónbra
Alvês N ta suri sô pa suri, pa tenta disfarsa
Ma déntu mi, sô mi ku Deus ki sabe kuza sta pasa
Ma ki safoda nhas prubléma ningen ka krê sabe
Gósi tudu é pa fuckin' money, ia, kel-la k'é love
Nha própi dama alvês ta faze-m xinti un Zé Ningen
Manera mô k'e sa ta aji ka sa ta faze-m ben
I si ka for di se manera, ia tudu é mintira
E sa fokadu na se mágua, e sa kaba-m ku vida
Kes ki mi N txoma di amigus é pokus k'é manu
Má ten kes manus k'é ka manus, é manus di flanus
Otus kapás atê trai-u pa un sinplis krika
Otus ta bisti sô di marka, má ses alma é Xina
Sô pa nu sta déntu di móda, nu sa ta imita
N konxe un kóta ku 50, mas t'inda e ka xinta
E krê sangi di kes k'é nobu, putus ten ki xula
I katorzinhas déntu zóna gósi é pula-pula

Tudu n'es vida é pasájen, nada ka ta ser etérnu
Ka bu foka na pasadu, nen futuru é ka sértu

Dexa-m txora, N xinti déntu mi
Tra-l pa fóra k'é pa N xinti free
Dexa-m rinka máguas déntu mi
Dexa láguas skorega na mi

Dexa-m txora, N xinti déntu mi
Tra-l pa fóra k'é pa N xinti free
Dexa-m rinka máguas déntu mi
Dexa láguas skorega na mi

Alvês dimóniu na nha menti ta dexa-m frustradu
É munti vós na nha kabésa, sta pa tudu ladu
Alvês N ta tenta mante fórti, meiu insuladu
É la ki tudu es ta djunta p'es dexa-m más fraku
Alvês N ta susta ku txeu kuzas ki N ka ta kridita
Amizadi dja bira mérda, kunfiansa é sanita
Amigus falsu na bu vida ta trasa-u distinu
Ma bo konsiénsia ki ta kontra el k'é bu inimigu
Kantu bês ki dja-u purduadu pa kel mésmu kuza
Mésmu razón ki nhos diskuti, má t'inda 'u ka muda
Ku tudu déntu di bu kaza, má 'u prifiri rua
Dipôs di gostu i mensájen bu fóku dja muda
Xa-m tenta da-bu sô un dika ma odja s'u ta panha
Dijital ku rialidadi, fla-m kal ki ta ganha
Maioria ralasons kaba pamôdi móvel
I si mexedu na di bo, good bye, my love

Dexa-m txora, N xinti déntu mi
Tra-l pa fóra k'é pa N xinti free
Dexa-m rinka máguas déntu mi
Dexa láguas skorega na mi

Dexa-m txora, N xinti déntu mi
Tra-l pa fóra k'é pa N xinti free
Dexa-m rinka máguas déntu mi
Dexa láguas skorega na mi