Desilusao Dum Amdjer
Cesária Évora
Foi onti ki nh'amor nasê felis pa bo
Ma oji sen piedadi bo spedasá es nha munde
Kuandu sen dó bo dxá nha alma na gunia
Ku dor, sen speransa nen fê
N sofrê grandi afronta di familia i tude es pove
Es txomá-me amdjer di rua, ke N tava sénpri na rua
Ma N guentá tude ke forsa d'sentimente
Pamodi bo dxá-me perdê luta
Foi onti ki nh'amor nasê felis pa bo
Ma oji sen piedadi bo spedasá es nha munde
Kuandu sen dó bo dxá nha alma na gunia
Ku dor, sen speransa nen fê
N sofrê grandi afronta di familia i tude es pove
Es txomá-me amdjer di rua, ke N tava sénpri na rua
Ma N guentá tude ke forsa d'sentimente
Pamodi bo dxá-me perdê luta
Asin, N ta pidí mar
Pa-I levá-me pa N ka voltá
Pa N bá vivê izulada
N'un mundu di treva ki ka lebrá nh'amor pirdide
Ó Deus, dá-me nha alma un sosege
N ka maguá ningen pamodi é mi ki ta sofrê
Ajudá-me oiá rialidadi
Aliviá es nha dor pa N bá vivê un vida nove
Asin, N ta pidí mar
Pa-I levá-me pa N ka voltá
Pa N bá vivê izulada
N'un mundu di treva ki ka lebrá nh'amor pirdide
Ó Deus, dá-me nha alma un sosege
N ka maguá ningen pamodi é mi ki ta sofrê
Ajudá-me oiá rialidadi
Aliviá es nha dor pa N bá vivê un vida nove
Ó Deus, dá-me nha alma un sosege
N ka maguá ningen pamodi é mi ki ta sofrê
Ajudá-me oiá rialidadi
Aliviá es nha dor
Mi tanbe N ten direite di ser felis
Li na terra
