Zita

Kem ki po-m na mundu txoma Zita
Kelotu si padas txoma Dimingu
Ki da-m nobidadi foi Nha Ninha
Ki anunsia na kutélu é rapasinhu!
Sima si donu toi odju brazinhu
Dós koba na kexada, é malandrinhu

Ês manda buska odju di purguera
Vizinhu dá si gálu katxur peládu
Pamó mininu é sês di partu dozi
Ta txoma dia di séti fitisera
Si antis di Kristu n ka finkadu stera
Ah mestre Nhonhô fla-l pa salta-el

Um négru benzedu i otu foi prezu
Na pronunsiason era Mandela
Kumesa t'odja mundu a pretu i branku
I mesmu árku da bedja a karbon
Na sis lápis di kor i alguns batom
I mundu dexa di sta na sê mon

Titia Bibinha bem ku sês orônha
Partera ku sê rol di padja-l xá
Ê fla: Nhôs korda nhós da-m pa-m da banhu
Pa libra-l di sina di manhan
Midjor nu ba ta po-l um talismã
E Zita antom labanta di sê dor

Ê, nhôs dixa-m nha fidju durmi!